“Proiektu hori ZICLArekin egin zen, 2013 eta 2025 artean indarrean zegoen lankidetza-akordioaren esparruan.”
2018. urtearen amaieran, Car Konpon proiektuari ekin zitzaion, Euskadiko multimarka ibilgailuen tailerren lehiakortasuna hobetzeko helburuarekin..
Proiektuan zehar, automobilgintzako piezen eta osagaien konponketaren alderdietan eragina duten ekintza teknikoak eta teknologikoak garatu eta aplikatu dira. Ekintza horiek sektore honetan merkatua garatzeko aukera berriak sortzen laguntzen dute, piezen eta osagaien KONPONKETAN eta BERRERABILPENEAN oinarritutako jasangarritasunera bideratuta.
Proiektuak automobilgintzako, Lanbide Heziketako eta berrikuntza teknologikoko tailerren sektorea bateratzea ahalbidetzen du, ibilbide-orri baten diseinuaren bidez sektoreko 10 enpresa traktore mobilizatu eta prestatzeko eta ekoberrikuntzan oinarritutako teknika eta teknologien multzo bat testatu eta ezartzeko.
Definitutako estrategiak, gainera, bat datoz lurraldeko ekonomia zirkularrean oinarritutako negozio-eredu berriekin, hainbat eragileren lankidetzan ardaztutako helburu paraleloak eskainiz eta balio-katearen eskala guztiak landuz.
Garatutako faseak eta proiektuaren egoera.
Proiektua hainbat fasetan gauzatzen ari da. Orain arte amaitutakoak hauek dira:
- Tailerrak hautatzea eta hasierako analisia.
- Ildo estrategikoen definizioa (zer piezatan eta osagaitan jardun)
- Estrategiak hedatzea (ibilbide-orria proposatzea).
- Ibilbide-orria baliozkotzea.
Gaur egun, eta COVID-19ak eragindako salbuespenezko egoera gorabehera, azken etapa hasi da: GIDARITZA ETA AZKEN IBILBIDE ORRIA. Egiten ari diren lanen bidez, teknikak eta teknologiak hainbat tailerretan aplikatzeko beharrezkoak diren lanak, ekintzak eta baliabideak estandarizatu nahi dira.
Aldi berean, eta egungo arreta eta gomendio guztiekin, beharrezko hedapen- eta komunikazio-jarduerek aurrera jarraitzen dute.
Enpresa parte-hartzaileak.
ZICLAk Sopuertako San Viator Zentroak gidatutako proiektu honetan parte hartzen du, Econiarekin elkartuta, eta Tknika Lanbide Heziketako Ikerketa Zentroak parte hartzen du
Finantzaketa.
Car Konpon proiektuak EGEF funtsak ditu, Ihobek antolatutako «Ekoberrikuntzako proiektuak 2018» deialdiaren bidez, ZTBP 2020ren «Ekosistemak» aukera-nitxoaren helburuak lortzen lagunduko duten proiektuak egitea sustatzeko.